Halos P400K na halaga ng shabu nakumpiska sa High Value Individual Target sa Cebu

Umabot sa P400,000 halaga ng hinihinalang shabu ang nakumpiska ng mga miyembro ng Provincial Drug Enforcement Unit ng Cebu Police Provincial Office sa ikinasang operasyon sa Bantayan, Cebu.

Ang ilegal na droga ay nakumpiska sa isang high value individual target na naaresto sa buy-bust operation sa Purok Casipi 2, Brgy. Guiwanon Bantayan.

Kinilala ang naarestong suspek na si alyas ‘Mark’, 25-anyos at residente ng nabanggit na lugar.

Kasama ang nasabing suspek sa listahan ng high value individual priority target sa rehiyon.

Nakuha sa pag-iingat ng suspek ang droga na may timbang na 57 gramo at standard drug price na P387,600.

Nahaharap sa kasong paglabag sa Comprehensive Dangerous Drugs Act ang suspek. (DDC)