Pangulong Marcos nakiramay sa pamahalaan ng Morocco; tulong at suporta ng Pilipinas inialok

Nagpaabot ng pakikiramay si Pangulong Ferdinand Marcos Jr. sa mga mamamayan ng Morocco matapos ang pagtama ng malakas na lindol doon.

Ayon sa pahayag ng pangulo labis na ikinalulungkot ng mga Filipino matapos ang 6.8-magnitude na lindol na ikinasawi ng mahigit 2,000 katao.

Sinabi ng pangulo na kaisa ng Morocco ang Pilipinas pananalangin sa mga pamilyang naapektuhan ng trahedya.

Tiniyak din ng pangulo ang kahandaan ng Pilipinas na magkaloob ng tulong at suporta sa Morocco para sa mabilis na recovery nito.

“The Philippines is ready to offer assistance and any support that may be needed for the swift recovery of your nation. We have faith in the strength and resilience of the Moroccan people to unite and rebuild in the face of such adversity,” ayon sa pangulo. (DDC)