Sunog sumiklab sa isang residential area sa Quezon City
Sumiklab ang sunog sa isang residential area sa Brgy. Teachers’ Village East sa Quezon City.
Nagsimula ang sunog pasado alas 4:00 ng madaling araw sa dalawang palapag na bahay sa Matimtiman Street.
Mabilis namang nakalikas ang mga nakatira sa nasunog na bahay.
Naapektuhan din ng sunog ang isa pang katabing bahay.
Ayon sa Bureau of Fire Protection (BFP), sa kisame sa restroom sa 2nd floor nagsimula ang apoy.
Inaalam pa ng BFP kung magkano ang halaga ng mga ari-ariang natupok. (DDC)
