Sa ika-sampung sunod na linggo, presyo ng produktong petrolyo muling tataas

Sa ika-sampung sunod na linggo ay tataas muli ang presyo ng produktong petrolyo.

Ayon sa abiso ng mga kumpanya ng langis, tataas ng 20 centavos ang presyo ng kada litro ng gasolina at 20 centavos din ang itataas ng presyo ng kada litro ng kerosene.

Samantala, tataas naman ng 40 centavos ang presyo ng kada litro ng diesel.

Epektibo ang dagdag presyo Martes (sept 11) ng umaga.

Simula noong July 11 ay umabot na sa mahigit P14 ang itinaas ng presyo ng kada litro ng diesel.

Mahigit P9 naman na ang itinaas ng presyo ng kada litro ng gasolina.

Habang mahigit P13 na ang itinaas ng presyo ng kada litro ng kerosene. (DDC)