Lee Min Ho darating sa bansa sa susunod na buwan
Nakatakdang bumalik sa bansa ang Korean actor na si Lee Min Ho.
Dadalo si Lee Min Ho sa event na inorganisa ng SMDC sa Oct. 15 para sa selebrasyon ng 65th Anniversary ng SM.
Ang aktor ay endorser ng SMDC.
Ang event ay gaganapin sa SMX Convention Center sa Pasay City.
Tanyag si Lee Min Ho sa kaniyang mga ginampanang role sa maraming K-Drama kabilang ang “Boys Over Flowers,” “Personal Taste,” “City Hunter,” “The Heirs,” “The King: The Eternal Monarch,” at maraming iba pa.
Taong 2016 ng huling bumisita sa bansa si Lee Min Ho para sa meet-and-greet events. (DDC)
