BI handa na sa pagdagsa ng mga pasahero ngayong ‘Ber months’
Nakahanda na ang Bureau of Immigration (BI) sa pagdagsa ng mga pasahero sa darating na Christmas season.
Ayon kay BI Commissioner Norman Tansingco, inaasahan ang pagtaas ng bilang ng mga darating at aalis na pasahero ngayong Ber months.
Sinabi ni Tansingco na magde-deploy ng dagdag na immigration officers (IO) sa mga paliparan.
Nakahanda din ang Rapid Response Procedure ng BI na ipatutupad sa lahat ng international ports of entry and exits kapag peak hours o critical periods para matugunan ang pagdagsa ng mga biyahero.
Nag-deploy na din ang BI ng mobile counters para mag-proseso ng mga pasahero.
Ngayong taon, target naman ng BI na makapagbukas ng green lanes sa departure area na ipagagamit sa mga airline crew, frequent travelers, at overseas Filipino workers. (DDC)
