Pader gumuho sa Valenzuela City, 8 bahay ang naapektuhan
Isa ang nasugatan habang aabot sa 28 na pamilya ang inilikas makaraang gumuho ang pader sa bahagi ng Valenzuela City.
Ayon sa Valenzuela City LGU, dahil sa patuloy na pag-ulan, lumambot ang lupa na nagdulot ng pagguho ng pader at naapektuhan din ang mga bahay sa pagitan ng Barangay Mapulang Lupa at Barangay Ugong.
Ang mga apektadong pamilya ay inilikas pansamantala sa evacuation centers sa dalawang barangay.
Agad namang inasistihan ng tanggapan ng 1st Congressional District ng Valenzuela City at ng Department of Social Welfare and Development (DSWD) ang mga apektadong pamilya. (DDC)
