3rd Telco na DITO pormal na ilulunsad sa March 8

Itinakda na ng DITO Telecommunity Corp. ang pormal na commercial launch nito.

Ayon kay DITO chief administrative officer Adel Tamano, ang formal commercial launch ay magaganap sa March 8, 2021.

Ito ay makaraang makapasa ang DITO sa unang technical audit nito nang matupad ang pangakong coverage para sa unang taon ng operasyon.

Gagawing by-phase ang launching ayon kay Tamano.

Sa Mindanao aniya magsisimula ang operasyon ng DITO.

Ang rason ay dahil bago aniyang maging DITO ang kumpanya ay dati itong Mindanao Islamic Telephone Company.

Ang inisyal na layunin ng kumpanya ay maserbisyuhan ang mga underserved areas sa Mindanao.

Sunod na seserbisyuhan ng DITO ay ang Visayas.

Target ng DITO na inisyal na maserbisyuhan ang 17 lungsod at munisipalidad sa Mindanao at Visayas.