Gilas Pilipinas tinambakan ang China; nakuha ang unang panalo sa 2023 FIBA World Cup

Sa huling laban ng Pilipinas sa 2023 FIBA Basketball World Cup ay nakakuha ito ng panalo laban sa koponan ng China.

Tinambakan ng Gilas Pilipinas ang China sa score na 96-75 sa kanilang laban Sabado (Sept. 2) ng gabi sa Smart Araneta Coliseum.

Nag-ambag ng 34 points si Jordan Clarkson kung saan 24 points dito ay sa 3rd quarter ng laban .

Apat na magkakasunod na three-point shot ang ibinigay ni Clarkson dahilan para lumobo ang lamang ng Gilas.

Nagbigay naman ng 14 points si Rhenz Abando.

Habang si Kai Sotto ay mayroong 12 points at 11 points naman si Dwight Ramos. (DDC)