Mga nambabato ng bagon ng PNR maaaring makasuhan
Mahigpit na ipinapaalala ng Philippine National Railways (PNR) na bawal batuhin ang mga bagon gamit ang anumang bagay, pati na ng putik.
Ayon sa pamunuan ng PNR, makakaapekto ito sa kaligtasan ng mga pasahero at sa maayos na biyahe ng tren.
Ibinabala pa na maaaring makasuhan ang sinumang mahuhuli o maaaktuhang nambabato sa mga tren.
Pinapanatili ng PNR ang kalinisan ng bawat tren para sa mas komportableng biyahe ng bawat pasaherong tumatangkilik ng serbisyo nito.
Hinihikayat ang publiko, kasama na ang mga opisyal ng iba’t ibang lugar na nakakasakop sa PNR right-of-way, na makipag-ugnayan sa PNR upang maiwasan ang pambabato sa mga tren. (Bhelle Gamboa)
