BREAKING: 15 patay sa sunog na naganap sa Quezon City

Labinglima ang kumpirmadong nasawi sa sunog na sumiklab sa isang bahay sa Pleasant View Subd., Brgy. Tandang Sora, Quezon City, Huwebes (Aug. 31) ng umaga.

Ayon sa Bureau of Fire Protection (BFP), mayroong tatlong nakaligtas sa nasabing insidente.

Patuloy pa ang ginagawang imbestigasyon ng Scene of the Crime Operatives (SOCO) para matukoy ang pagkakakilanlan ng mga biktima.

Sa inisyal na ulat ng BFP, nagsimula ang sunog 5:30 ng umaga at itinaas sa unang alarma 5:33 ng umaga.

Naideklarang fire out ang sunog 8:04 ng umaga.

Mabilis umanong kumalat ang apoy dahil ang unang palapag ng bahay ay pagawaan at printing ng t-shirt. (DDC)