MMDA magpapatupad ng bagong traffic scheme sa La Salle Green Hills

Magpapatupad bagong traffic scheme ang Metropolitan Manila Development Authority (MMDA) sa La Salle Green Hills (LGSH) sa Mandaluyong City.

Ito ang napagkasunduan matapos makipagpulong ang mga opisyal ng MMDA sa pamunuan ng paaralan.

Ang pulong ay pinangunahan nina MMDA Assistant General Manager for Operations Asec. David Angelo Vargas at Atty. Victor Nunez, Director for Enforcement ng MMDA Traffic Discipline Office.

Ayon sa MMDA, simula sa Lunes (Sept. 4) ay susubukan ang ipatutupad na bagong traffic scheme.

Ito ay para mas maging maayos ang daloy ng trapiko sa nasabing lugar.

Tinalakay sa pagpupulong ang pagkakaroon ng designated loading at unloading zones sa La Salle. (DDC, (Bhelle Gamboa))