Gilas Pilipinas kinapos sa Angola sa nagpapatuloy na FIBA World Cup
Kinapos ang Gilas Pilipinas laban sa Angola sa score na 80-70, kagabi.
Ito ang ikalawang sunod na talo ng pambansang koponan, simula nang buksan ang 2023 FIBA World Cup noong Biyernes.
Hindi pa rin natupad ng Gilas ang pangako na babawasan ang errors sa kanilang laro.
Mayroong labinglimang errors na naitala ang Pilipinas kagabi mas mababa lamang ng apat kumpara noong matalo sila sa Dominican Republic noong Biyernes.
Sinabi naman ni Gilas Pilipinas Head Coach Chot Reyes na gaano man kapanglaw ang pag-asa ay determinado pa rin ang koponan ng bansa na makapasok sa Olympics. (Ricky Brozas)
