Mansanas galing South Korea ipamamahagi sa mga senior citizen at estudyante sa Makati

Nakipagkasundo ang Makati City LOcal Government Unit (LGU) sa Cheongsong County, Korea para mas-suplayan ng libreng mansanas ang mga senior citizen at mga estudyante sa mga pampublikong paaralan sa lungsod.

Ayon kay Makati City Mayor Abby Binay, ang mga high-quality apple ay ipamimigay sa mga nakatatanda at sa mga mag-aaral sa lahat ng public schools at sa University of Makati.

Nakipagkita kamakailan si Binay kay Governor Youn Kyunghe ng Cheongsong County, President Lee Ho Ik ng Korean Chamber of Commerce Philippines, at sa iba pang delegado kung saan tinalakay din ang planog pagsasagawa ng Cheongsong Apple Festival sa Makati.

Ang Cheongsong apples ay kilala sa matamis nitong lasa, juiciness, at crunchy texture. (DDC)