TINGNAN: Mugshot ni dating US Pres. Donald Trump matapos maaresto sa kasong may kaugnayan sa 2020 presidential election sa Georgia
Si Donald Trump ang naging kauna-unahang dating presidente ng US na nagkaroon ng mugshot makaraang maaresto at maisailalim sa booking process sa Fulton County Jail.
Si Trump ay nahaharap sa labingtatlong kaso na may kaugnayan sa 2020 presidential election sa Georgia.
Kasama si Trump sa 19 na defendants na ipinagharap ng kaso.
Ito ay dahil sa umano ay pagsasabwatan nila para mamanipula ang resulta ng eleksyon sa Georgia noong 2020.
Ibinahagi pa ni Trump ang larawan ng kaniyang mugshot sa kaniyang Twitter account.
Ito ang unang pagkakataon na nag-tweet muli si Trump, simula noong Jan. 2021 na himinto sya sa paggamit ng nasabing social networking site. (DDC)
