Bidding para makapili ng kumpanya para sa rehabilitasyon at maintenance ng NAIA, binuksan na ng DOTr at MIAA
![Bidding para makapili ng kumpanya para sa rehabilitasyon at maintenance ng NAIA, binuksan na ng DOTr at MIAA](https://newsflash.ph/wp-content/uploads/2023/08/Bidding.jpg)
Binuksan na ng Department of Transportation (DOTr) at ng Manila International Airport Authority (MIAA) ang bidding para makapili ng kumpanya para sa rehabilitasyon at pagme-mentena ng Ninoy Aquino International Airport.
Sa Invitation to Bid, inanyayahan ang mga interesadong partido na lumahok sa bidding para sa kontrata sa pag-rehabilitate, pag-operate at pag-mentena ng NAIA sa ilalim ng Rehabilitate-Operate-Expand-Transfer arrangement.
Ayon sa abiso, bukas ang bidding sa lahat ng interesadong foreign at local parties salig sa mga kondisyon sa ilalim ng Bidding Documents, Saligang Batas, at Build-Operate-and-Transfer (BOT) Law.
May babayarang participation fee na P2.7 million para sa mga lalahok sa proseso. (DDC)