Pangulong Marcos nakiramay sa pagpanaw ni DMW Sec. Toots Ople

Nagpaabot ng pakikiramay si Pangulong Ferdinand Marcos Jr. sa pagpanaw ni Department of Migrant Workers (DMW) Sec. Susan “Toots” Ople.

Ayon sa pangulo, sa pagpanaw ng kalihim ay nawalan siya ng kaibigan.

Nagluluksa aniya ang bansa sa pagkawala ng maituturing na “great champion” sa labour movement.

Ayon kay Pangulong Marcos, inialay ni Ople ang kaniyang buhay para matiyak ang kapakanan ng mga manggagawa partikular ng mga migrant worker.

Wala aniyang kapaguran si Ople sa pagsuporta at pagtitiyak na protektado ang mga manggagawa.

Si Ople ayon sa pangulo ang halimbawa ng “perfect mix” ng “compassion” at “hard-nosed pragmatism”.

Nagpaabot ang pangulo ng pakikisimpatya sa mga naulilang pamilya ni Ople. (DDC)