Ikalawang Pinoy na nasawi sa wildfires sa Hawaii, kinumpirma ng DFA

Kinumpirma ng Department of Foreign Affairs (DFA) na mayroong isa pang Pinoy na nasawi sa wildfires sa Hawaii.

Kinilala ni Foreign Affairs Undersecretary Eduardo de Vega ang Pinoy na si Rodolfo Rocutan, 76-anyos.

Ayon kay De Vega, noong 2022 ay nag-renew ng kaniyang Philippine passport sa konsulada si Rocutan kaya ito ay Filipino citizen.

Naninirahan ito sa Lahaina sa Maui.

Si Rocutan ang ikalawang Pinoy na nakumpirma ng DFA na nasawi sa wildfires.

Ang pamilya ng mga Pinoy na nasawi ay tutulungan ng pamahalaan kabilang ang pagpapa-cremate at repatriation ng labi kung hihilingin ng kanilang pamilya.

Mayroon pang kinukumpirmang ulat ang DFA hinggil sa umano ay pagkasawi ng dalawa pang Pinoy. (DDC)