PAL flights sa Cotabato mananatiling kanselado
Kanselado pa rin ang biyahe ng eroplano ng Philippine Airlines sa Cotabato.
Ayon sa abiso ng PAL, mananatiling suspendido ang kanilang domestic flights patungo at galing ng Cotabato City hanggang September 27, 2023 dahil hindi pa natatapos ang repair work sa runway ng Awang Airport.
Kabilang sa kanselado ang sumusunod na mga flight:
PR 2959/2960 Manila – Cotabato – Manila
PR 2223/2234 Cebu – Cotabato – Cebu
PR 2487/2488 Cotabato – Tawi-Tawi – Cotabato
Ang mga pasahero na naapektuhan ng kanselasyon ng biyahe ay maaaring mag-reroute sa ibang flight, 60-araw bago ang petsa ng kanilang original flight.
Maaari ding i-convert ang ticket sa Travel Credits.
May opsyon din ang mga pasahero na i-refund ang ibinayad nila sa ticket ng walang ipapataw na penalties.
Bagaman pinayagan na ang flight operations sa Awang Airport, sinabi ng DOTr na hindi pa 100 percent na kumpleto ang repair sa runway nito. (DDC)
