Pagtakas sa bilibid ng naarestong PDL sa Rizal pinaiimbestigahan ni Catapang
Ipinag-utos ni Bureau of Corrections (BuCor) Director General Gregorio Pio P. Catapang Jr. ng buong imbestigasyon kung paano nakatakas ang person deprived of liberty (PDL) na si Michael Angelo Cataroja mula sa New Bilibid Prison (NBP) sa Muntinlupa City.
Ito ay matapos malaman ni Catapang na naaresto ng mga tauhan ng Angono Police si Cataroja sa isang bahay sa Sitio Mangahan, Barangay San Isidro,Angono Rizal bago mag-alas 5:00 ng hapon nitong Agosto 17.
Sinabi ng BuCor chief na nais niyang malaman kung sino ang responsable sa pagtakas ng naturang PDL.
Ayon pa kay Catapang, bubuo sila ng Board of Inquiry para sa isasagawa aniyang ” full blown investigation” sa nagyaring pagkakapuga ni Cataroja. (Bhelle Gamboa)
