Taguig nanawagan na itigil ang kasinungalingan at pagpapakalat ng maling impormasyon

Nanawagan ang Taguig City Government na itigil ang kasinungalingan at pagpapakalat ng mga maling impormasyon.

” Stop the lies and the disinformation.𝐓𝐡𝐞 𝐒𝐮𝐩𝐫𝐞𝐦𝐞 𝐂𝐨𝐮𝐫𝐭 𝐃𝐞𝐜𝐢𝐬𝐢𝐨𝐧 𝐢𝐬 𝐬𝐞𝐥𝐟-𝐞𝐱𝐞𝐜𝐮𝐭𝐢𝐧𝐠. 𝐆𝐨𝐯𝐞𝐫𝐧𝐦𝐞𝐧𝐭 𝐚𝐠𝐞𝐧𝐜𝐢𝐞𝐬 𝐡𝐚𝐯𝐞 𝐯𝐨𝐥𝐮𝐧𝐭𝐚𝐫𝐢𝐥𝐲 𝐜𝐨𝐦𝐩𝐥𝐢𝐞𝐝 𝐜𝐨𝐧𝐟𝐨𝐫𝐦𝐚𝐛𝐥𝐲 𝐭𝐨 𝐥𝐚𝐰,” ayon sa Taguig LGU.

Hindi umano kailangan ng Taguig ang isang Writ of Execution upang ipatupad ang hurisdiksiyon sa Fort Bonifacio Military Reservation na binubuo ng parcels 3 at 4 ng Psu-2031.

Malinaw umanong nakasaad sa desisyon ng SC na ang 10 barangays sa Parcels 3 at 4 ay kumpirmado at deklaradong nasa teritoryong sakop ng Taguig, na fibal at executory.

Dahil dito awtomatiko umanong maaalis ang mga nasabing barangay sa teritoryo ng Makati City.

Sinabi pa ng Taguig na dapat sundin ng Makati at mga opisyal nito ang tapat na pagpapatupad sa ating batas kung saan ang desisyon ng SC ay bahagi ng batas katulad ng marapat na agarang pagrespeto at pagkilala ng lahat ng ahensiya ng gobyerno maging ng mga apektado na boluntaryong ipatupad ang final at executory decisions ng SC.

Ikinalat umano ng Makati ang sinasabing “initial assessment” mula sa Office of the Court Administrator (OCA) ng Supreme Court na naka-address sa Executive Judge ng RTC Makati kung saan ang opinyon sa “desisyon ng SC” ay mayroong writ of execution bago ang pagdinig sa korteng pinagmulan” na ipatutupad ng DILG.

Nilinaw ng Taguig na ang nasabing opinyon at pahayag ay walang puwersa sa batas at hindi nagbubuklod sa Taguig.

” The Supreme Court has said that it does not issue advisory opinions. How can the OCA issue one ?,” tanong pa ng Taguig.

Ipinapatupad lamang umano ng Taguig ang kanyang mga karapatan bilang nanalong partido na kasali sa legal na hatol ng korte. (Bhelle Gamboa)