P238K na halaga ng shabu nakumpiska sa Pampanga

Inaresto ng mga tauhan ng Philippine National Police – Drug Enforcement Group (PDEG) ag isang babaeng suspek matapos mahulihan ng shabu sa Mexico, Pampanga.

Ikinasa ng PDEG ang operasyon katuwang ang mga tauhan ng Pampanga Municipal Police Station, Philippine Drug Enforcement Agency (PDEA) na nagresulta sa pagkakadakip sa suspek na si Evangeline Raga Cunanan, 45-anyos.

Sa nasabing operasyon, nakumpiska sa suspek ang 35 gramo ng hinihinalang shabu na may Standard Drug Price na P238,000 at buy-bust money.

Dinala ang suspek sa Mexico, Pampanga Municipal Police Station para sa documentation.

Ang mga ebidensyang nakumpiska naman ay dinala sa Angeles City Forensic Unit para sa forensic Laboratory examination. (DDC)