LRT-1 magpapatupad ng half-day operations sa Aug. 20

Half-day lamang ang magiging operasyon ng LRT-1 sa araw ng Linggo, August 20.

Sa abiso ng Light Rail Manila Corporation (LRMC), ipatutupad ang half-day operations sa buong linya ng LRT-1 sa nasabing petsa.

Walang operasyon sa umaga mula 4:30am hanggang 11:59am.

Magsisimula lamang ang normal na operasyon ng tren sa LRT-1 alas 12:00 ng tanghali.

Ang last train schedule ay 9:30pm sa LRT-1 Baclaran Station at 9:45pm sa LRT-1 Roosevelt Station.

Ito ay upang bigyang-daan ang patuloy na isinasagawang signaling system upgrade sa buong linya na bahagi ng preparasyon para sa LRT-1 Cavite Extension.

Inabisuhan ng LRMC ang mga pasahero na planuhin ng maaga ang kanilang biyahe. (DDC)