Sarangani, Davao Occidental niyanig ng magnitude 4.8 na lindol
Tumama ang magnitude 4.8 na lindol sa lalawigan ng Davao Occidental.
Ang pagyanig ay naitala ng Phivolcs sa layong 136 kilometers southeast ng Balut Island sa munisipalidad ng Sarangani, 11:11 ng umaga ng Huwebes, Aug. 10.
May lalim na 132 kilometer ang lindol at tectonic ang origin.
Bago ito ay naitala din ng Phivolcs ang magnitude 4.3 na lindol sa parehong lugar.
Ang unang pagyanig ay naitala 9:29 ng umaga.
Wala namang naitalang intensities sa magkasunod na lindol at hindi rin ito magdudulot ng aftershocks. (DDC)
