Bahagi ng EDSA Carousel Bus Lane na sumailalim sa emergency repair, nadaranan na
Nadaraanan na ang mga bahagi ng EDSA Carousel Bus Lane na sumailalim sa limang araw na emergency road repairs ng Department of Public Works and Highways (DPWH).
Nagpasalamat naman si Metropolitan Manila Development Authority (MMDA) Acting Chairman Atty. Don Artes sa DPWH sa mabilis na pagsasaayos ng maraming bahagi ng inner lane ng EDSA..
Isinagawa ang emergency repair dahil sa malalalim na lubak at sa kalsada dulot ng naranasang mga pag-ulan at baha.
Nagpasalamat din si Artes sa kooperasyon ng mga motorista.
Ani Artes hindi gaanong naging malaki ang epekto ng repair sa daloy ng traffic.
Patuloy naman ang paalala ng MMDA na ang EDSA Bus Carousel lane ay nakalaan lamang para sa mga pampublikong bus, ambulansya, at sasakyan ng gobyerno na tutugon sa emergency. (DDC, Bhelle Gamboa)
