Resulta sa pagsusuri sa nadiskubreng kalansay sa septic tank sa NBP ilalabas na
Asahan sa loob ng dalawang araw hanggang isang linggo ay lalabas na ang resulta ng isinasagawang pagsusuri sa mga pirasong kalansay na nadiskubre sa septic tank 1 sa loob ng maximum security compound sa New Bilibid Prison (NBP) sa Muntinlupa City kamakailan.
Kahapon dumating sa NBP sina Nestor Castro, Antropologist ng University of the Philippines at Richard Jonathan Taduran, Antropologist mula sa University of the Cordillera and Lyceum-Davao upang kolektahin at suriin ang mga nasabing matitigas na bagay na natagpuan sa nasabing septic tank.
Ayon kay Taduran ibinukod nila ang tinatawag na hard sediments para isailalim sa masusing pagsusuri upang matukoy kung ang mga ito ay kalansay mula sa tao o ng hayop. (Bhelle Gamboa)
