Dronetech PH nag-sorry sa baligtad na watawat ng Pilipinas sa drone show sa Palarong Pambansa
Humingi ng paumanhin ang kumpanyang Dronetech PH matapos ang pagkakamali sa watawat ng Pilipinas sa kanilang show sa pagtatapos ng Palarong Pambansa.
Ayon sa kumpanya, nakagawa sila ng pagkakamali sa drone show programming ng magbaligtad ang kulay asul at pula sa watawat.
Ayon sa pahayag, ang nangyari ay unintentional error, walang malisya at walang bad intentions.
Ipinaliwanag ng Dronetech PH na dapat ay magkakaroon muna sila ng testing ilang araw bago ang show pero hindi ito nasakatuparan dahil sa sama ng panahon.
Tiniyak ng kumpanya na pagbubutihin pa ang kanilang performance sa mga susunod na show. (DDC)
