Gilas Pilipinas wagi vs Iran sa tune-up game sa China
Tinalo ng Gilas Pilipinas ang koponan ng Iran sa unang tune-up game sa Heyuan WUS International Basketball Tournament sa China.
Sa score na 76-65 wagi ang Gilas sa kanilang unang laban.
Dikit pa ang laban ng dalawa sa 1st at 2nd quarter, pero nagbigay ng magkakasunod na puntos si CJ Perez sa 3rd quarter dahilan para lumobo sa 13 points ang kanilang kalamangan.
Umabot pa sa 22 points ang lamang ng Gilas sa 4th quarter pero nakahabol ang Iran at nagawang mapababa sa single digit ang 40 seconds bago matapos ang laban.
Ngayong araw ng Biyernes ay makakalaban naman ng Gilas ang Senegal. (DDC)
