Job fair sa Las Piñas City, dinagsa ng daan-daang residente
Dinagsa ng daan-daang mga residente na naghahanap ng trabaho ang inilunsad na job fair ng Pamahalaang Lokal ng Las Piñas City sa pangangasiwa ng Public Employment Service Office (PESO), sa Robinsons Las Piñas nitong Agosto 2.
Maraming Las Piñeros ang agad na natanggap o hired-on-the-spot sa magagandang oportunidad na alok ng iba’t ibang mga kumpanya at ahensiya na lumahok sa nasabing job fair.
Personal namang tinutukan ni Vice Mayor April Aguilar ang naturang proyekto na bahagi sa pagpaprayoridad sa kapakanan at kabuhayan ng mga residente sa lungsod. (Bhelle Gamboa)
