Suspension order ng Sangguniang Panlalawigan sa alkalde ng Bonifacio, Misamis Occidental naging pinal na – DILG

Naging pinal na ang suspensyon na ipinataw kay Samson Dumanjug bilang alkalde ng Bonifacio, Misamis Occidental.

Sa pahayag ng ng Department of the Interior and Local Government (DILG), nabigo si Dumanjug na maghain ng apela sa Office of the President.

Dahil dito, final and executory na ang suspensyon na ipinataw sa kaniya ng Sangguniang Panlalawigan.

Sa ilalim ng Administrative Order 22 s. 2011, ang suspension order na ipinataw Sangguniang Panlalawigan ay dapat iapela sa Office of the President (OP) sa loob ng 15-araw.

Sinabi ng DILG na sinunod ng ahensya ang isinasaad ng batas sa pagpapatupad ng suspension order. (DDC)