Emergency repair sa mga sirang kalsada sa EDSA Bus Carousel sisimulan na ng DPWH

Sisimulan na ng Department of Public Works and Highways (DPWH) ang road emergency repair sa bahagi ng northbound at southbound ng EDSA Bus Carousel.

Ang repair ay uumpisahan 10:00 ng gabi ng Biyernes (August 4) hanggang 5:00 ng umaga ng Lunes (August 9).

Ang isasaayos ay ang bahagi ng northbound at southbound directions ng EDSA Bus Carousel, mula sa Balintawak hanggang Buendia Avenue matapos makitaan ng pinsala dahil sa naranasang pag-ulan.

Ayon sa DPWH-NCR magsasagawa ng asphalt overlay sa 19,068 square meters na sirang kalsada at concrete reblocking 6,177 square meters pa.

Sa mga oras at araw na isinasagawa ang emergency repair works ay isasara ang mga apektadong kalsada.

Dahil dito ay pinapayuhan ang mga motorista na humanap ng alternatibong ruta para hindi maabala. (DDC)