50 sakay ng nagkaproblemang motorbanca nailigtas sa Northern Samar
Nailigtas ang 50 sakay ng isang motorbanca na lumubog sa karagatan na sakop ng San Antonio, Northern Samar.
Umalis ng Victoria, Northern Samar ang MBCA SPIRIT lulan ang 41 pasahero at 9 na crew at patungo sana sa munisipalidad ng San Vicente.
Pero habang naglalayag ay nakaranas ito ng malakas na pag-alon dahilan para pasukin ito ng tubig.
Agad namang nagsagawa ng search and rescue (SAR) operations ang mga tauhan ng PCG, MDRRMO San Antonio, MPS San Antonio, at mga mangingisda sa lugar.
Maayos ang kondisyon ng mga sakay ng bangka, maliban sa apat na pasahero na kinailangang bigyan ng atensyong medikal. (DDC)
