Lalaki arestado matapos mahulihan ng baril at granada sa Taguig
Nakakulong ngayon sa detention cell ng Taguig City Police ang isang lalaki makaraang makumpiskahan ng baril at granada sa gitna ng anti-criminality operation ng otoridad ngayong Agosto 2.
Ang suspek ay kinilalang si Arnold Pendatun y Ado, 38-anyos ay naaresto ng mga tauhan ng Police Substation 2 sa kasagsagan ng Purok 9, PNR Site, Brgy., Western Bicutan Taguig City dakong alas-2:00 ng madaling araw.
Narekober mula sa suspek ang isang cal. 38 na may dalawang bala,isang granada at itim na leather sling bag.
Mahaharap ang suspek sa kasong paglabag sa R.A. 10591 at R.A. 9516. (Bhelle Gamboa)
