Pagbaha sa NLEX sa bahagi ng San Simon, Pampanga tinutugunan na
Tiniyak ng pamunuan ng North Luzon Expressway (NLEX) na kanilang tinutugunan ang problema ng pagbaha sa bahagi ng Tulaoc sa San Simon, Pampanga.
Ang nasabing pagbaha ay nagdudulot ng matinding pagsisikip ng daloy ng traffic sa NLEX.
Ayon sa NLEX, ang tubig-baha ay dahil sa pag-apaw ng Pampanga River.
Simula noong Martes (Aug. 1) sinabi ng NLEX na patuloy ang ginagawa nilang regular na inspeksyon sa lugar.
Naglagay na din ng sandbags at pinahigop ang tubig para mabilis na ma-drain ang tubig-baha.
Maliban dito sinabi ng NLEX na ang kanilang patrol teams ay palagiang nasa lugar para mag-mando ng daloy ng traffic. (DDC)
