MMDA chief pumalag sa paggamit ng kanyang pangalan sa solicitation at donasyon
Mariing pinalagan ni Metropolitan Manila Development Authority (MMDA) Chairman Atty. Don Artes ang paggamit sa kanyang pangalan ng mga indibiduwal at organisasyon para sa solicitation at donasyon.
“Nakarating po sa aking kaalaman na mayroong gumagamit ng aking pangalan para mag-solicit sa mga indibidwal at organisasyon,” ani Artes.
“Ipinababatid ko po sa inyong lahat na WALA akong ino-authorize na kahit anong uri ng solicitation, cash man o in kind donation,” pahayag ng MMDA chief.
Pinapaalalahanan ng opisyal ang publiko na huwag magpaloko. Maging maingat at mapanuri aniya sa inyong transaksiyon. (Bhelle Gamboa)
