Ipo dam nagsasagawa pa din ng spilling operations; maraming bayan sa Bulacan ang apektado
Inabisuhan ng PAGASA ang mga residente sa ilang bayan sa Bulacan bunsod ng patuloy na spilling operations sa Ipo Dam.
Ayon sa PAGASA Hydrometeorology Division, nasa 101.08 meters ang water level ng Ipo Dam at inaasahan pang patuloy na tataas dahil sa pag-ulan na dulot ng Habagat.
Dahil dito, patuloy ang spilling operations sa Ipo Dam kung saan isang spillway gate nito ang nakabukas.
Pinayuhan ng PAGASA ang local disaster risk reduction and management office at mga residente na naninirahan sa mabababang lugar sa Norzagaray, Angat, San Rafael, Bustos, Baliuag, Pulilan, Plaridel, Calumpit, Paombong at Hagonoy maging mapagmatyag at mag-ingat. (DDC)
