MRT-3 magbibigay ng Libreng Sakay sa mga visually impaired na pasahero simula Aug. 1 hanggang Aug. 6

May handog na Libreng Sakay ang MRT-3 para sa visually impaired na pasahero mula August 1 hanggang 6 bilang pagdiriwang ng White Cane Safety Day.

Ayon sa MRT-3, kailangan lamang magpakita ng valid PWD identification card sa security personnel sa mga istasyon upang makatanggap ng libreng sakay.

Pahihintulutan din ang isang companion o kasama ng pasahero na makasakay nang libre sa mga tren.

Maaaring makakuha ng libreng sakay sa buong operasyon ng MRT-3 sa nasabing mga petsa.

Ayon kay DOTr Assistant Secretary for Railways at MRT-3 Officer-in-Charge Jorjette B. Aquino, ito ay bahagi ng pakikiisa ng MRT-3 sa pagdiriwang ng buong bansa ng World Cane Safety Day. (DDC)