It’s Showtime ipinatawag ng MTRCB dahil sa umano’y nakababahalang eksena sa pagitan nina Vice Ganda at Ion Perez

Ipinatawag ng Movie and Television Review and Classification Board (MTRCB) ang It’s Showtime sa isang pagdinig.

Kaugnay ito ng mga reklamo na natanggap ng Board hinggil sa eksena na umano ay nagpapakita ng indecent acts nina Vice Ganda at Ion Perez.

Ang nasabing eksena ay napanood noong July 25, 2023 sa “Isip Bata” segment ng show at ipinalabas sa GTV at A2Z DZOZ/DZOE 11.

Ayon sa MTRCB, ang naturang eksena ay lumalabag sa Section 3 (c) ng Presidential Decree No. 1986.

Tiniyak ng MTRCB na agad nitong inaaksyonan ang mga reklamo maliit man o malaki na ipinararating sa kanilang tanggapan. (DDC)