Yellow rainfall warning nakataas sa Zambales at Bataan
Nakataas ang yellow rainfall warning sa lalawigan ng Zambales at Bataan base sa rainfall warning na inilabas ng PAGASA, Lunes (July 31) ng umaga.
Ito ay dahil sa nararanasang pag-ulan dulot ng Habagat ng pinalalakas ng Typhoon Falcon.
Samantala, ayon sa PAGASA, mahina hanggang katataman na pag-ulan naman ang marararanasan pa sa Nueva Ecija, Cavite, Laguna, Batangas, at Quezon.
Habang mahina hanggang katamtaman at kung minsan ay malakas na pag-ulan naman sa Metro Manila, Tarlac, Pampanga, Bulacan, at Rizal. (DDC)
