Bilang ng nasawi dahil sa bagyong Egay umakyat na sa 13

Nakapagtala na ng labingtatlong nasawi ang National Disaster Risk Reduction and Management Council (NDRRMC) dahil sa pananalasa ng bagyong Egay.

Maliban sa mga nasawi, sinabi ng NDRRMC na mayroon pang napaulat na 12 nawawala.

Nakapagtala naman ng 42,831 na katao na kailangang ilikas dahil sa bagyo.

Sa nasabing bilang, mahigit 29,223 ang nasa mga evacuation center.

Ayon sa NDRRMC, 1,612 na mga barangay mula sa 12 rehiyon sa bansa ang naapektuhan ng bagyo. (DDC)