Anak ni LeBron James na si Bronny nakalabas na ng ospital matapos atakihin sa puso

Maayos na ang kondisyon ng anak ni Lebron James na si Bronny James at nakalabas na ito ng ospital.

Ang 18-anyos na si Bronny ay inatake sa puso habang nasa basketball practice sa University of Southern California (USC).

Sa pahayag ng cardiologist ni Bronny, sinabi nitong malaking bagay ang mabilis na pagresponde ng mga medical staff ng USC.

Sasailalim pa sa mga pagsusuri ang nakababatang James para matukoy din ang sanhi ng kaniyang cardiac arrest.

Hindi pa rin agad masabi ng doktor kung ang nangyari ay makakaapekto ba sa basketball career ni Bronny.

Sa kaniya namang twitter account, nagpasalamat si LeBron James sa mga nagdasal para kay Bronny. (DDC)