Anak ni Lebron James na si Bronny nakaranas ng cardiac arrest habang nasa basketball practice
Nakaranas ng cardiac arrest ang anak ni NBA star LeBron James na si LeBron “Bronny” James Jr. habang nasa basketball practice sa University of Southern California sa Los Angeles.
Ayon sa pahayag ng tagapagsalita ng pamilya James, stable naman na ang kondisyon ng 18-anyos na si Bronny at nakalabas na ng ICU.
Nagpasalamat ang pamilya James sa mga medical staff ng USC sa mabilis na pagresponde.
Si Bronny ay incoming freshman ng USC basketball team. (DDC)
