1,671 na bagong kaso ng COVID-19 naitala ng DOH sa nakalipas na isang linggo

Nakapagtala ng 1,671 na bagong kaso ng COVID-19 sa bansa sa nakalipas na isang linggo o mula July 17 hanggang July 23.

Batay ito sa datos na inilabas ng Department of Health (DOH).

Ayon sa DOH, ang datos ay 14 percent na mas mababa kumpara sa naitalang mga bagong kaso noong July 10 hanggang July 16.

Ayon sa DOH, sa 1,671 na bagong mga kaso, 35 ang severe at critical cases.

Nakapagtala naman ng dagdag na 32 pang nasawi. (DDC)