Chico River sa Bontoc, Mt. Province malapit ng umapaw; mga residente pinalilikas na
Pinalilikas na ang mga residente na naninirahan malapit sa Chico River sa Bontoc, Mt. Province.
Ito ay bunsod ng mabilis na pagtaas ng antas ng tubig sa ilog na umabot na sa “Red LEvel”.
Pinaalalahanan ni Bontoc Mayor Jerome “Chagsen” Tudlong Jr., ang mga residente na maging mapagmatyag at maingat.
Handa aniya ang Municipal Disaster Risk Reduction and Management Council na rumesponde sa mga emergency at magbigay ng karampatang tulong.
Kaugnay nito ay hinimok ng alkalde ang mga reisdenteng nasa low-lying o flood-prone areas malapit sa Chico River na agad ng lumikas sa mas mataas na lugar. (DDC)
