Transport Strike sinuspinde ng grupo ng MANIBELA

Inihinto na ng grupong MANIBELA ang kanilang tigil pasada na dapat sana ay tatagal hanggang Miyerkules (July 26).

Ayon sa post sa Facebook page ng grupo, ang pagsuspinde sa tigil pasada ay dahil na rin sa pakiusap ng “mga tao” mula sa Malakanyang.

Ito ay bunsod ng malakas na pag-ulan dulot ng bagyong Egay at maaaring maraming pasahero ang mahirapan kapag walang masakyan.

Pinakinggan din umano ng MANIBELA ang pakiusap ng mga commuters group.

Sa kabila nito, sinabi ng MANIBELA na posible pa ring magkasa ng tigil pasada kapag hindi inaksyunan ng pamahalaan ang mga nauna ng hinaing ng grupo. (DDC)