Pag-iral ng number coding suspendido sa Lunes (July 24)
Suspendido ang pagpapatupad ng number coding bukas araw ng Lunes, July 24 ayon sa abiso ng Metropolitan Manila Development Authority (MMDA).
Ito ay kasunod ng deklrasyon ng Malakanyang na suspendido ang klase sa public schools at pasok sa trabaho sa gobyerno sa Metro Manila.
Ayon sa MMDA, hindi muna ipatutupad ang number coding sa Metro kaya malayang makabibiyahe sa mga lansangan ang mga sasakyan na ang plaka ay nagtatapos sa 1 at 2. (DDC)
