P170K na halaga ng ‘shabu’ nakumpiska sa Taguig buy-bust

Nakumpiska ng mga otoridad ang 25 gramo ng umano’y shabu na nagkakahalaga ng ₱170,000 mula sa isang obrero sa ikinasang buy-bust operation sa Taguig City.

Naaresto ng mga tauhan ng Taguig City Police Station Drug Enfoecement Unit (SDEU) ang suspek na si Roger Orsal,51, isang construction worker, sa C5 Road, Waterfun, Brgy. Westeen Bicutan.

Narekober na ebidensiya ang siyam na pakete na naglalaman ng ‘shabu’, buy-bust money at berdeng pouch.

Ang hakbang ay bahagi ng paninindigan ng pulisya na wakasan ang pamamayagpag ng ilegal na droga at tiyakin ang kaligtasan ng mamamayan. (Bhelle Gamboa)