Las Piñas LGU nagdagdag ng green card accredited facilities

Para sa pagpapalakas sa pagbibigay ng dekalidad na serbisyong pangkalusugan sa mga residente, inanunsyo ng Pamahalaang Lokal ng Las Piñas ang pagpapalawak ng kanyang green card program sa pamamagitan ng pagdaragdag sa Pamplona Hospital and Medical Center sa listahan ng ospital bilang accreditied facilities.

Sa karagdagang medical center, mapapalawak ng programa ang pag-abot nito sa mga residente at tiyakin ang mas magandang pangangalagang medikal para sa mga mamamayan.

Inililinya na rin ng City Health Office ang maayos na transition plan para pagsamahin ang pribadong ospital sa Green Card Program.

Ipababatid sa lahat ng mga kuwalipikadong residente ang updated na listahan ng accredited facilities upang tamasahin ang tuluy-tuloy na pangangalagang pangkalusugan para sa lahat ng mga benepisyaryo. (Bhelle Gamboa)