Mahigit 700 establisyimento sinalakay sa idinaos na “2nd Nationwide BIR Raid”
Umabot sa mahigit 700 establisyimento ang sinalakay ng Bureau of Internal Revenue sa serye ng operasyon na isinagawa noong July 13 at 14, 2023.
Ayon kay Bureau of Internal Revenue Commissioner Romeo D. Lumagui Jr., ang lahat ng Revenue Regions at Large Taxpayers Service ng BIR ay lumahok sa two-day national enforcement activity.
Patuloy pa ang ginagawang inventory ng BIR para matukoy ang total tax liability ng mga non-compliant businesses.
Tiniyak ni Lumagui na sasampahan ng kasong kriminal ang mga traders at may-ari ng mga sinalakay na tindahan.
Ang mga nakumpiskang paninda naman ay wawasakin sa sandaling matapos na ang imbentaryo. (DDC)
