38,000 pang Meralco customers wala pang suplay ng kuryente
Mayroon pang mahigit 38,000 na Meralco customers ang nananatiling walang suplay ng kuryente.
Ayon sa update mula sa Meralco, alas 5:00 ng umaga ngayong Huwebes, Nov. 19, 38,826 na customers ang wala pa ring kuryente matapos ang panalalasa ng Typhoon Ulysses.
Pinakamaraming apektado pa ng power interruption ay sa Bulacan na aabot pa sa 35,586 na customers.
Sa Rizal, mayroon pang 1,594 customers ang walang kuryente.
1,350 na customers sa Pampanga at 296 customers sa Metro Manila.
Tiniyak ng Meralco na patuloy ang pag-serbisyo ng kanilang mga crew para maibalik sa lalong madaling panahon ang suplay ng kuryente sa mga apektado pang lugar.
